Բելգիայում վրացի ներգաղթյալների հետ հանդիպման ժամանակ Վրաստանի նախկին նախագահ Միխեիլ Սաակաշվիլին հայտարարել է, որ երկրում ներկա իրավիճակը հարմար չէ իր վերադարձի համար, հաղորդում է «ՌԻԱ Նովոստի»-ն։
Նրա խոսքով՝ իրեն հաճախ են հարցնում երկիր վերադառնալու մասին, սակայն այնտեղ իրավիճակը դեռ «պատրաստ չէ»։ Սաակաշվիլին նշել է, որ մտադիր է Վրաստան այցելել, բայց այն բանից հետո, երբ առաջիկա շաբաթների կամ ամիսների ընթացքում իրավիճակը «կնախապատրաստվի»։
«Հնարավոր չէ հեռվից նայել՝ ինչպես է ոչնչացվում երկիրդ»,-հավելել է նա։
Սաակաշվիլին ասել է նաև, որ երկրում խաղաղ իշխանափոխության ծրագիր ունի, ինչպես նաև խոստացել Վրաստանի քաղաքացիություն տալ նրանց, որոնք ծնվել են Վրաստանում և ծագմամբ վրացի են։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել