Yerkir.am-ը գրում է.
Հունվարի 31-ին Սիրիայում զոհվել է ՌԴ հատուկջոկատային Մաքսիմ Պլետնյովը: Այս մասին հաղորդում է իսրայելական newsru.co.il կայքը` հղում անելով BBC-ին: Հատուկջոկատայինը զոհվել է մարտական խնդիր կատարելիս:
Սակայն Ռուսաստանի պաշտպանության նախարարությունը որևէ կերպ չի մեկնաբանել այս տեղեկությունը: Ռուսաստանցի սպայի զոհվելու վերաբերյալ առաջին հաղորդագրությունը հայտնվեց Тихорецкие вести թերթում, որում մասնավորապես նշված էր, որ Սիրիայում զոհված սպայի հուղարկավորությունը տեղի է ունեցել փետրվարի 4-ին: Սակայն հետագայում հրապարակված նյութից հանվեց զինվորականի զոհվելու վերաբերյալ հանգամանքներին առնչվող պարբերությունը, այն է՝ «հրթիռային համակարգում տեղադրված կառավարվող արկով նա կրակ բացեց հակառակորդի ուղղությամբ, որն էլ ի պատասխան խոցեց նրան»:
Մաքսիմ Պլետնյովը, 2012թ. սկսած, զինծառայություն է իրականացրել օդադեսանտային զորքերում: Տեղեկություն կա, որ նա մասնակցություն է ունեցել նաև ռուս-ուկրաինական ռազմական հակամարտությանը:
