Փետրվարի 7-ին, Գերմանիայի մայրաքաղաքում, իր աշխատանքն է սկսում խոշորագույն և հեղինակավոր եվրոպական կինոփառատոներից մեկը՝ Բեռլինալեն: Բացման արարողությունը տեղի է ունենում Պոտսդամի հրապարակում գտնվող թատրոնում, որին փառատոնի անցկացման ժամանակ Բեռլինալեի պալատ են անվանում:
Միջոցառմանը մասնակցել են Ժուլիետ Բինոշը, Էնդի Մաքդաուելը, Թոնի Գարնը և ոլորտի այլ նշանավոր անձինք:
Այս տարի Բեռլինալեն անցակվում է 69-րդ անգամ: Եվ այս տարի այն վերջին անգամ գլխավորում է գերմանացի կինոքննադատ և հետազոտող Դիտեր Կոսլիկը, որը փառատոնը գլխավորել է վերջին 18 տարիների ընթացքում:
Այս տարի հիմնական ծրագրում ընդգրկված են 17 ժապավեններ, որոնց թվում են այնպիսի հայտնի ռեժիսորների աշխատանքներ, ինչպիսիք են Ֆրանսուա Օզոն, Իզաբել Կոյշետը, Ագնեշկա Հոլանդը և Չժան Իմոուն:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել