Թե՛ հեղինակավոր գիտնականները և թե՛ համակարգչային խաղերի սիրահարները տարբեր տեսություններ են ստեղծում, թե մարդկությունն ինչի պատճառով կարող է լքել Երկիրը և ինչ պետք է անի Երկրի վրա մնացած վերջին բնակիչը։ Միանշանակ, այսպիսի սցենարը քիչ հավանական է, այդ պատճառով հարցին հիպոթետիկ տեսանկյունից պետք է մոտենալ։
Գազի պահուստներ
Երկրի վրա մարդկության բացակայության առաջին օրերին քաղաքների մեծ մասը կմնա առանց հոսանքի։ Սկզբում շարքից դուրս կգան օրգանական վառելիքով աշխատող ՋԷԿ-երը, այնուհետև՝ ատոմային էլեկտրակայանները և վերջապես՝ ՀԷԿ-երը։
Երկրագնդի վրա մնացած միակ մարդը պետք է պահուստավորի ոչ միայն լուցկի և մոմ, այլ նաև կերոսինային ջահեր, փայտ և լույսի ու ջերմության այլընտրանքային միջոցներ։ Նրա համար անգնահատելի օգնական կարող են դառնալ գազով աշխատող հոսանքային գեներատորները։ Բենզինով և դիզելով աշխատող սարքերն ավելի վատ կծառայեն․ 5-10 տարի անց հեղուկ վառելիքի պահպանման ժամկետը սպառվում է։ Իսկ ահա գազը կարող է ծառայել շուրջ կես դար։
Ջրի պահուստ
Հոսանքի բացակայության պատճառով կոմունիկացիոն համակարգի մեծ մասը կդադարի աշխատել։ Միանգամից շարքից դուրս կգան ջրագիծը և կոյուղին։ Անգամ եթե որոշ ժամանակ հոսանք լինի, մեկ է, առանց մարդու սպասարկման այդ համակարգերը չեն կարող աշխատել։
Արագ աճող բույսերը և վայրի կենդանիները շատ մեծ արագությամբ կվերադարձնեն իրենցից խլված տարածքները։ Երկրագնդի վերջին մարդը ոչ միայն պետք է պահուստավորի ջուրը, այլ նաև գտնի թարմ ջրի այլընտրանք՝ արտեզյան ջրեր, գեյզերներ, մաքուր բնական աղբյուրներ և այլն։
Ընտրել մեքենա
Վերջին մարդու տնօրինության տակ կհայտնվեն միլիարդավոր մեքենաներ։ Ճիշտ է, նրանց հիմնական մասը 5-10 տարի անց անպետք կդառնան։ Այնուհետև ստիված պիտի նախընտրությունը տաք հոսանքով աշխատող մեքենաներին, որոնք կարելի է լիցքավորել գազով աշխատող գեներատորի օգնությամբ։
Սովորեք կրակել
Մարդու բացակայության պատճառով վայրի կենդանիները կարող են իրենց ավելի անվտանգ զգալ և սկսել զավթել իշխանությունը։ Կրակելու ունակությունները պետք կգան ոչ միայն որս անելու համար, այլ նաև ինքնապաշտպանության։ Ավելորդ չեն լինի նաև ձկնորսության և ընդհանրապես վայրի բնությունում գոյատևելու ունակությունները։ Երկիրը նորից կանաչ և վայրի կդառնա։
Այցելեք գրադարան
Երկրագնդի վերջին մարդը պետք է շատ կարդա, դրանով նա կարող է նվազեցնել տկարամտության հավանականությունը, ինչը միայնության պայմաններում հասնում է 40%-ի։ Բացի այդ՝ համացանցի բացակայության պայմաններում ցանկացած տեղեկություն նա կարող է վերցնել գրքերից։ Գյուղատնտեսությանը վերաբերող թարմ տեղեկատուները, բժշկական, հոգեբանական և այլ գիտական գրականությունը շատ տեղին կլինեն։
Այցելեք թանգարաններ
Վերջին մադու տնօրինության տակ լինելու է ավելի քան 8000 թանգարան։ Անգամ հոսանքի բացակայության և անհրաժեշտ ջերմություն և խոնավություն ապահովող անսարք համակարգերի պայմաններում շատ արվեստի նմուշներ կարող են պահպանել իրենց նախնական տեսքը։ Մարդկանց ներկայությունը նրանց ավելի շատ է վնասում, քան բացակայությունը։
