Բրիտանական Vivirail կազմակերպության մի խումբ ճարտարագետներ ստեղծել են ջրածնային գնացք, որը կազմված է վառելիքային տարրերից, ցիստերնից և երկու իոնային մարտկոցներից։
Եթե ամեն ինչ գնա ըստ նախագծվածի, ապա 2019 թվականի ավարտին գնացքը կտեղափոխի իր առաջին ուղևորներին։
Համաձայն նախագծի՝ գնացքը կազմված է լինելու մարտկոցներով աշխատող երկու լոկոմոտիվներից, 230 դասի վառելիքային տարրով աշխատող 2 վագոններից և ջրածնային ցիստերնից։
Հեղինակները նշում են, որ ջրածնային գնացքը առանց լիցքավորման կարող է անցնել 1000 կմ, իսկ շնորհիվ ռեկուպերացիոն համակարգի արգելակման ժամանակ գնացքը վերականգնելու է ծախսված էներգիան։
Մեծ Բրիտանիան միակ երկիրը չէ, որ ցանկանում է հրաժարվել դիզելային գնացքներից և անցում կատարել էկոհամակարգի համար ավելի անվտանգ փոխադրամիջոցների։ Բրիտանական կառավարության հաշվարկներով մինչև 2040 թվականը նրանք ամբողջությամբ հրաժարվելու են դիզելային գնացքներից։
Տրանսպորտի նախարարությունը վերջերս հայտարարել է, որ նախատեսում է 2,28 միլիոն դոլար հատկացնել՝ երկրում գնացքներից արտազատվող ածխաթթու գազի քանակը կրճատելու համար։