Ճապոնիայում գրիպի համաճարակը ներառել է ավելի քան 2.2 միլիոն մարդու, հաղորդում է NHK-ն:
Հունվարի 21-ից հունվարի 27-ն ընկած ժամանակահատվածում Ճապոնիայում յուրաքանչյուր բժշկական հաստատություն, միջին հաշվով, սպասարկել է ավելի քան 57 գրիպով հիվանդների: Նշվում է, որ սա ռեկորդային ցուցանիշ է 1999թ.-ից ի վեր:
Որպես կանխարգելիչ միջոց՝ ճապոնացի բժիշկները խորհուրդ են տվել բնակիչներին ավելի հաճախ լվանալ ձեռքերը, ողողել բերանի խոռոչը և ախտանիշների ի հայտ գալու դեպքում խորհրդակցել բժշկի հետ:
Ավելի վաղ Ռումինիայում գրիպի համաճարակ է հայտարարվել: Ուկրաինայում մեկ շաբաթվա ընթացքում գրեթե 200 հազար մարդ է գրիպով հիվանդացել: 2019 թ. երկրորդ շաբաթվա ընթացքում գրիպի հետևանքով առաջացած բարդությունների արդյունքում 8 մարդ է մահացել, իսկ համաճարակի սեզոնի սկզբից՝ 19:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել