168.am-ը գրում է.
ՀՀ ԱԺ նախկին պատգամավոր, գեներալ Մանվել Գրիգորյանը դատի է տվել գործարար Սիլվա Համբարձումյանին:
Մանվել Գրիգորյանը Սիլվա Համբարձումյանից պահանջում է պատվին, արժանապատվությանը պատճառված վնասի հատուցում: Հայցադիմումը դատարան է ներկայացվել հունվարի 29-ին:
«Սիլվա Համբարձումյանը հայտարարել էր, որ անչափահասների հետ կապված խնդիր է ծագել, և Մանվել Գրիգորանը հանցագործություն է կատարել։ Դա լկտի սուտ է, ուստի համապատասխան հայց է ներկայացվել դատարան»,- լրագրողների հետ հանդիպման ժամանակ ասաց Մանվել Գրիգորյանի փաստաբաններից Լևոն Բաղդասարյանը:
Նշենք, որ Սիլվա Համբարձումյանը լրատվամիջոցներից մեկին տված հարցազրույցում հայտարարել էր՝ «Մանվելը երեխաների է բռնաբարել»: Գործարարը հայտնել էր, թե իր ասածի վերաբերյալ փաստեր ունի:
Անի Կարապետյան
Նյութի աղբյուր՝ https://168.am/2019/02/01/1076027.html
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել