Armenpress.am-ը գրում է.

Կարակասում հունվարի 30-ին ձերբակալված ֆրանսիացի լրագրողներն ազատ են արձակվել: Ինչպես հաղորդում է «Արմենպրես»-ը, այս մասին հայտնում է ՏԱՍՍ-ը:

Վենեսուելայում Ֆրանսիայի դեսպան Ռոմեն Նադալը հայտնել է, որ լրագրողներն առողջ են և շուտով կլքեն Վենեսուելան:

Երկու ֆրանսիացիները ձերբակալվել էին Կարակասում նախագահական նստավայրի մոտ նկարահանում իրականացնելու ժամանակ: Թե որն է եղել նրանց ձերբակալելու պատճառը, հայտնի չէ:

Կատարվածից հետո Ֆրանսիայի ԱԳՆ ներկայացուցիչը պահանջել էր նրանց ազատ արձակել: Նմանօրինակ պահանջ էր ներկայացրել նաև ԵՄ անվտանգության հարցերով ներկայացուցիչ Ֆեդերիա Մոգերինին՝ ընդգծելով, որ լրագրողները ձերբակալվել են առանց որևէ հիմնավորման:

Ավելի վաղ Կարակասում ձերբակալվել էին նաև չիլիացի և իսպանացի լրագրողներ:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել