Բրիտանուհին հետազոտություն է իրականացրել և պարզել, թե տղամարդկանց ինչ տիպի արտաքինով կանայք են առավել դուր գալիս, հաղորդում է Daily Mail-ը:
36-ամյա Հեյլի Լիանան Պիտերբորո քաղաքից իր տարբեր սանրվածքներով և տարբեր ոճի հագուստով լուսանկարները տեղադրել է ծանոթությունների կայքում: Վեց ամսվա ընթացքում կինը 7 կերպար է ներկայացրել. «կրակոտ սևահեր», «թեթևամիտ շիկահեր», «սպորտսմենուհի», «բիզնես լեդի», առանց դիմահարդարման, ակնոցներով լուսանկարներ, և վերջապես ներկայացել է այնպես, ինչպիսին նա սովորական կյանքում է:
Արդյունքում կայքի օգտատերերից ամենաշատը՝ 87 մարդ, արձագանքել են սևահերի պրոֆիլին, սակայն միանգամից ակնարկել են, որ հետաքրքրված են սեքսով առաջին հանդիպման ժամանակ:
Ավելի տարեց հարուստ տղամարդիկ (43 մարդ) նախընտրել են շիկահեր Հեյլիին: Հիմնականում նրանք ամուսնացած են եղել և «ցանկացել են պարզապես զվարճանալ»:
«Սպորտսմենուհին» դուր է եկել 25 օգտատիրոջ և նրանց մեծամասնությունը աղջկան հանդիպման է հրավիրել մարզասրահում:
Բրիտանուհու խոսքերով՝ նա առավել հետաքրքիր և «իսկական» տղամարդկանց (36 մարդ) հանդիպել է, երբ հրապարակել է իր բնական տեսքով կամ ակնոցներով լուսանկարները:
Գործարար կնոջ կերպարով կինը գրավել է ութ տղամարդու ուշադրությունը, որոնք եղել են ձանձրալի և ոչ հետաքրքիր:
Հատկանշական է, որ որևէ օգտատեր ուշադրություն չի դարձրել Հեյլիի պրոֆիլին, երբ նա հրապարակել է առանց դիմահարդարման լուսանկարներ: