Panorama.am-ը գրում է.
«2018 թվականի ընթացքում հանրապետությունում գրանցված հանցագործությունների ընդհանուր թվաքանակը աճել է 11,2 տոկոսով կամ 2267 դեպքով։ 2017 թվականին եղել է 20284, 2018-ին՝ 22551»,- այս մասին այսօր լրագրողների հետ հանդիպմանը ներկայացրեց ՀՀ ոստիկանության շտաբի պետ, ոստիկանության գնդապետ Արմեն Ղուկասյանը։
Խոսելով կոռուպցիոն բնույթի հանցատեսակներից՝ նա մանրամասնեց. «Առաջինը կոռուպցիոն բնույթի հանցատեսակներն են։ Եթե 2017 թվականին արձանագրվել էր կոռուպցիոն բնույթի 634 հանցագործության դեպք, ապա 2018-ին դրանց թիվն աճել է մոտ երկուսուկես անգամ՝ կազմելով 1353: Այս հանցագործություններն իրենց բնույթով դասվում են առավել լատնետային հանցատեսակների շարքին, և դրանց թվի աճը ինքնին դրական արդյունք է, քանի որ դրանց հայտնաբերումն իրավապահ մարմինների համար բավականին բարդ է և պահանջում է օպերատիվ քննչական լայնածավալ միջոցառումների իրականացում։ 2018 թվականին բացահայտվել է պետությանը, կազմակերպություններին և անձանց հասցված շուրջ 5,7 միլիարդ դրամի վնաս, իսկ 2017-ին այդ թիվը եղել է շուրջ 735 միլիոն»։
Ոստիկանության շտաբի պետը նշեց նաև, որ բարձրացել է քաղաքացիների կողմից ոստիկանության դիմելիությունը. «Եթե 2017-ին ոստիկանության ստորաբաժանումները ստացվել են առերևույթ հանցագործության մասին 32321 հաղորդում, ապա 2018-ին դրանց թիվն աճել է 9145-ով»։
Արմեն Ղուկասյանի խոսքով՝ հանցավորության նման աճը բացառիկ չէ, այն արձանագրվել է անկախության տարիներից ի վեր վեց անգամ։
Ամբողջական հոդվածը կարող եք կարդալ այստեղ
581 համաներվածից 30-ն արդեն 42 հանցագործություն է կատարել
