«Երեկ տեղեկություն ստացանք, որ Արագածոտնի մարզպետ Դավիթ Գևորգյանն իր աշխատասենյակում քաշքշել է Ուջանի գյուղապետ Նաիրի Կիրակոսյանին, ով փորձել է հակառակվել մարզպետին ու բացատրել, որ նրա հանձնարարականը կատարելն իրատեսական չէ:
Բանն այն է, որ իրենց և աշխատակազմերին պարգևատրելուց հետո մարզպետներն անցել են ամեն գնով բյուջեն փող լցնելու գործին: Նրանք հանձնարարել են համայնքապետերին՝ հավաքել գյուղացիների չվճարած պարտքերը, մինչև անգամ արտերկրից կանչել-բերել համագյուղացիներին, որ ժառանգության իրավունքով ճանաչեն հանգուցյալ հարազատների թողած սեփականությունը և վճարեն այստեղ թողած տների ու հողերի հարկերը: Մեզ պատմեցին, որ այս թեմայով խոսելիս մարզպետն ու իր ենթական գրեթե ձեռնամարտի են բռնվել:
Ուջանի ՀՅԴ-ական համայնքապետ Նաիրի Կիրակոսյանը չափազանցված համարեց ձեռնամարտի մասին լուրերը, սակայն չհերքեց, որ վիճել են. «Դե, ինքը պահանջում է ապառքը հավաքել, ես էլ ասում էի, որ էդքան էլ հեշտ չէ: Խոսքը հին հարկերի մասին է, որ մնացել ա ժողովրդից, դժվար ա հավաքելը: Ինքն ասում է՝ ամեն գնով հավաքեք:
Ես էլ ասում եմ դժվար ա, չի հավաքվում, ժառանգության խնդիրներ կան, ժողովուրդը՝ մեկը Ֆրանսիա ա, մեկը՝ Հոլանդիա, մենք էլ իրավունք չունենք վերցնենք էդ գումարները, թող կառավարությունը որոշում հանի, որ մենք իրավունք ունենանք: Եթե չի հանում, ուրեմն էդ գումարը վաղը, մյուս օրը գնալու ա կորի, ոնց որ ասեն՝ կողքից գումար հավաքի, ըտենց ա դուրս գալիս: Չենք կարող ուզել, մինչև այդ մարդը չընդունի ժառանգությունը: Մարզպետն էլ ասում է. գնացեք, ասեք՝ թող ընդունեն, համոզեք և այլն»,-գրում է թերթը:
Նյութն ամբողջությամբ կարդացեք թերթի այսօրվա համարում:
