Aysor.am-ը գրում է.
ՀՀԿ մամուլի խոսնակ Էդուարդ Շարմազանովը տարօրինակ է համարում, որ Փաշինյանի ու Ալիևի հանդիպումից հետո հայտարարվում է, որ որևէ դետալ չի քննարկվել:
«Բա ի՞նչ են քննարկել, եղանակի տեսությո՞ւն», - Aysor.am-ի հետ զրույցում ասաց Է. Շարմազանովը։
ՀՀԿ խոսնակն ընդգծեց՝ Նիկոլ Փաշինյանը հայտարարում է, թե որևէ դավադրություն չկա:
«Ես ուզում եմ իրեն հարց տալ՝ դավադրություն ասելով ինքն ի՞նչ է հասկանում: Այն, ինչ որ արցախցիների կամ ՀՀ բնակչության մեծ մասի համար կարող է լինել դավադրություն, կարող է ինչ-որ մեկի համար դավադրություն չէ», - նշեց նա:
Էդուարդ Շարմազանվոը ընդգծեց՝ թե՛ Մամեդյարովը, թե՛ Ալիևը իրենց կարծիքը չեն փոխել՝ հրապարակային ասել են, որ իրենք գնում են «տարածքներ՝ խաղաղության դիմաց» պլատֆորմով:
«Նրանք հայտարարել են, որ Ղարաբաղը չի կարող լինել անկախ, հարց՝ ինչո՞ւ Փաշինյանը չի նշում, որ Ղարաբաղը չի կարող լինել Ադրբեջանի կազմում, ինչո՞ւ չի նշում, որ «խաղաղություն՝ տարածքների դիմաց» գաղափարն անընդունելի է ու մերժելի, ինչո՞ւ չի ասում, որ ինքն ամեն ինչ անելու է, որ որպես Արցախի ժողովրդի անվտանգության երաշխավոր՝ պաշտպանվի 1991 թվականի դեկտեմբերի հանրաքվեի արդյունքները», - ասաց Էդուարդ Շարմազանովը:
ՀՀԿ խոսնակը շեշտեց՝ երբ որ Ադրբեջանի ղեկավարը հակահայկական ելույթներով է հանդես գալիս, «մենք ինչ-որ զարմանալի, չակերտավոր կառուցողական ենք ուզում երևալ աշխարհի երեսին»:
Է. Շարմազանովը ասաց, թե՝ հարց ունի Նիկոլ Փաշինյանին:
Ամբողջական հոդվածը կարող եք կարդալ այստեղ
Նյութի աղբյուր՝ https://www.aysor.am/am/news/2019/01/23/%D5%87%D5%A1%D6%80%D5%B4%D5%A1%D5%A6%D5%A1%D5%B6%D5%B8%D5%BE/1516468
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել