Tert.am-ը գրում է․
Ամերիկյան «Ստրատֆոր» վերլուծական կենտրոնն անդրադարձել է Հայաստանի և Ռուսաստանի հարաբերությունների ու տնտեսական համագործակցության զարգացումներին:
Ինչպես կենտրոնի վերլուծաբաններն են նշում, ամուր կապերը Հայաստանի և Ռուսաստանի միջև հիմնաքար են եղել Կովկասում, սակայն Երևանի և Մոսկվայի միջև լարվածությունը կարող է զգալիորեն վնասել հարաբերություններին:
Հոդվածում նշվում է, որ Գյումրիի 102-րդ ռազմաբազայում տեղակայված է 5000 ռուս զինվոր, բացի այդ, Ռուսաստանը զգալի ազդեցություն ունի Հայաստանի տնտեսական հատվածի վրա՝ էներգետիկ խողովակաշարերից մինչև հեռահաղորդակցություն:
«Ռուսաստանը նաև Հայաստանի խոշորագույն առևտրային գործընկերն է, որին բաժին է հասնում ընդհանուր առևտրի 25 տոկոսը: Համենայն դեպս, վերջերս Հայաստանում տեղի ունեցած իշխանափոխությունը հարցականի տակ է դրել Երևանի և Մոսկվայի միջև ձևավորված ամուր հարաբերությունները»,- ասվում է հոդվածում:
Վերլուծաբանների կարծիքով՝ երկու երկրի հարաբերությունների վրա ազդել է հատկապես նախկին նախագահ Ռոբերտ Քոչարյանի և ՀԱՊԿ նախկին գլխավոր քարտուղար Յուրի Խաչատուրովի նկատմամբ սկսված քրեական հետապնդումը:
Ամբողջական հոդվածը կարող եք կարդալ այստեղ