168.am-ը գրում է.
Ազգային ժողովի փոխնախագահ Ալեն Սիմոնյանը տեղյակ չէ կառավարության կառուցվածքի մասին նախագծում կատարվող փոփոխություններից: Այսօր ԱԺ-ում լրագրողների հետ զրույցում նա ասաց, որ տեղյակ է միայն, որ ամեն ինչ արվում է՝ հաշվի առնելու համար յուրաքանչյուր մտահոգություն:
«Հնարավորություններից ելնելով՝ մենք միշտ ականջալուր ենք եղել բոլոր քննադատություններին ու մտահոգություններին»,- ասաց Ա.Սիմոնյանը՝ հավելելով, որ չի կարծում, որ շատ մեծ տարբերություն կլինի մամուլում հայտնված նախագծի տարբերակից:
Ա.Սիմոնյանը համաձայնեց «Լուսավոր Հայաստան» խմբակցության ղեկավար Էդմոն Մարուքյանի հետ, որ կառավարման համակարգն ուռճացված է. «Ուռճացվածությունն իրոք կա, այդ փոփոխությունները շուտով կլինեն»:
Թե ինչո՞ւ մինչ օրս փոփոխություն չի եղել, Սիմոնյանը հիմնավորեց նախկինում օրենսդրական նախաձեռնությունների անցկացման դժվարությամբ:
