Բաղադրիչներ
- ճուտ - 1 հատ
- կիտրոն - 1 հատ
- ալյուր - 8 ճ/գ
- ձու - 2 հատ
- պաքսիմատ - 100 գ
- ձիթայուղ - 100 մլ
- բուսայուղ - 100 մլ
- աղ - ըստ ճաշակի
- պղպեղ սև - ըստ ճաշակի
Պատրաստման եղանակը
Չափաբաժինները` 2-4
Ճուտը լվանում ենք, չորացնում և մասնատում։ Թևիկները, կողերն ու ողնաշարը հանում ենք (այդ մասերով կարող ենք արգանակ պատրաստել)։ Բդերն ու կրծքամիսը կարող ենք 2 մասի կիսել։Հավի կտորները աղով և պղպեղով տրորում ենք և վրան կիտրոն քամում։ 1 ժամ կամ ավելի երկար մարինացնում ենք։
Մի ամանի մեջ ենք լցնում ալյուրը, մյուսի մեջ` ձվերը, իսկ երրորդ ամանի մեջ` սպիտակ պաքսիմատը, որը կարող ենք խառնել պապրիկայի և քրքումի հետ` գույնի համար։ Ճուտի կտորները թաթախում ենք սկզբում՝ ալյուրի, այնուհետև՝ ձվի, որից հետո՝ պաքսիմատի մեջ։
Թավայի մեջ առատորեն բուսայուղ ու ձիթայուղ ենք լցնում։ Ճուտի կտորները տապակում ենք սկզբում ուժեղ կրակի վրա, այնուհետև՝ միջին ուժեղության կրակի վրա, որից հետո կափարիչը ծածկում ենք և այնքան ենք թողնում, մինչև ճուտն ամբողջությամբ եփվի։
Բարի ախորժակ:
Ի դեպ, այս ուտեստը սովորաբար մատուցում են կիտրոնի կտորներով և մաղադանոսով։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել