Armsport.am-ը գրում է.
Մադրիդի «Ռեալը» հետաքրքրված է «Յուվենտուսի» հարձակվող Պաուլո Դիբալայի ծառայություններով, հայտնում է Tuttosport-ը:
Աղբյուրի փոխանցմամբ, թուրինյան ակումբը պատրաստ է գործարքն իրականացնել «սերուցքայինների» հետ, եթե գործարքի մեջ ներառվի նաև «Ռեալի» կիսապաշտպան Իսկոն:
«Յուվենտուսի» ղեկավարությունը վաղուց է հետևում 26-ամյա իսպանացուն և ցանկանում է նրան տեսնել իր թիմում:
Ավելի վաղ հաղորդվում էր, որ Իսկոն կոնֆլիկտ ունի թիմի գլխավոր մարզիչ Սանտիագո Սոլարիի հետ:
Բացի «Ռեալից», Դիբալայի ծառայություններով հետաքրքրված են նաև «Ինտերը», ՊՍԺ-ն, Մյունխենի «Բավարիան» և «Մանչեսթեր Սիթին»: Թուրինյան ակումբը 25-ամյա արգենտինացու վաճառքից նվազագույնը 100 մլն եվրո է ցանկանում ստանալ:
Ա Սերիայի ընթացիկ մրցաշրջանում Դիբալան 17 հանդիպման է մասնակցել, որոնցում դարձել է 2 գոլի և 2 գոլային փոխանցման հեղինակ: Իսկոն իր ակտիվում 1 գոլ և 2 գոլային փոխանցում է գրանցել 13 խաղում:
