Armsport.am-ը գրում է.
Իսպանիայում հայկական հանցավոր խմբավորում է ձերբակալվել` մոտ 15 մարդ, ովքեր զբաղվել են թենիսի պայմանավորված խաղերի կազմակերպմամբ:
Իսպանիայի Քաղաքացիական գվարդիայի փոխանցմամբ, ևս 68 մարդու նկատմամբ հետաքննություն է իրականացվում` այդ թվում մարզիկների:
83 անձանցից 28-ը պրոֆեսիոնալ մարզիկներ են:
Պայմանավորված խաղերին հիմնականում մասնակցել են թենիսիստները, որոնք հանդես են գալս ITF Futures և Challenger կատեգորիաներում, որոնց հետ կապ են հաստատել խմբավորման անդամները` նախապես համաձայնության գալով խաղերի արդյունքների շուրջ:
Նշվում է, որ խմբավորումն իր գործունեությունը ծավալել է նվազագույնը 2017 թվականի փետրվարից: Ենթադրվում է, որ այս ընթացքում նրանց եկամուտը կարող է միլիոնավոր եվրոներ կազմել:
Կասկածյալները մեղադրվում են կոռուպցիայի, մեքենայնությունների, փողերի լվացման, անօրինական զենք կրելու և գումարների ապօրինի յուրացման մեջ:
The Independent-ի լրագրողներն, իրենց հերթին, հստակեցնում են, որ բոլոր 83 կասկածյալները ձերբակալվել են: Նշվում է նաև, որ պրոֆեսիոնալ թենիսիստներից մեկը 2018 թվականին մասնակցել է ԱՄՆ-ի Բաց առաջնությանը: