Բաղադրիչներ
- Խմորի համար՝
- ալյուր - 200 գ
- աղ - 1/2 թ/գ
- կարագ - 100 գ
- ձու - 2 հատ (փոքր)
- Միջուկի համար՝
- սերուցք՝ 30-35% յուղայնությամբ - 100 մլ
- կաթ - 100 մլ
- ձու - 1 հատ
- պանիր - 100 գ (շվեյցարական)
- բեկոն - 100 գ
- աղ - ըստ ճաշակի
- մշկընկույզ (мускатный орех) - ըստ ճաշակի
- պղպեղ սև - ըստ ճաշակի
Պատրաստման եղանակ
Ալյուրն ու աղը լցնում ենք ամանի մեջ և խառնում։ Կարագը կտրատում ենք խորանարդներով և խառնում ալյուրի հետ։ Մատների ծայրով ալյուրը տրորում ենք կարագի հետ, որպեսզի ավազանման զանգված ստանանք։ Ավելացնում ենք ձվերը։ Համասեռ խմոր ենք հունցում։ Վերջում խմորը հունցում ենք ալրապատ սեղանի վրա և գրտնակում 3 մմ հաստությամբ: Այս ամենից հետո խմորը 30 րոպեով տեղափոխում ենք սառնարանը։
Սառնարանից հանելուց հետո խմորը թողնում ենք 5-10 րոպե, այնուհետև փաթաթում գրտնակի վրա։ Խմորը տեղափոխում ենք օղակի կամ ձևամանի մեջ. զգուշորեն սեղմում ենք ձևամանի մեջ, բայց այնպես, որ այն նաև կողքերով դեպի վերև բարձրանա։
Ձևամանից դուրս մնացած հատվածները կտրում ենք և խմորի եզրերը մի քիչ օղակից վերև բարձրացնում:
Ձևամանի հատակը ծակծկում ենք պատառաքաղով (ցանկության դեպքում կողքերը կարող ենք ձևավորել): Այժմ խմորով ձևամանը մոտ 10-15 րոպեով դնում ենք սառցարանը։
Սառած հում խմորի վրա յուղաթուղթ և ծանրություն ենք դնում ու 15 րոպեով տեղափոխում մինչև 200 աստիճան տաքացրած ջեռոցը։
Պատրաստում ենք միջուկը: Բեկոնը ձողաձև կտրատում ենք և թեթևակի տապակում։ Դնում ենք անձեռոցիկի վրա, որպեսզի ավելորդ յուղը միջից դուրս գա։ Թխված շերտը ջեռոցից հանում ենք, ծանրությունը յուղաթղթով հանդերձ դնում մի կողմ: Խմորի վրա ձու ենք քսում և ևս 10 րոպեով դնում ջեռոցը։ Թխված շերտը սառեցնում ենք, բեկոնը շարում վրան։
Քերում ենք պանիրը։ Միջուկի համար նախատեսված բոլոր բաղադրիչները լցնում ենք ամանի մեջ և խառնիչով խառնում։ Պանիրը դնում ենք բեկոնի վրա, այնուհետև լցնում ենք սերուցքային խառնուրդը։ Դնում ենք մինչև 180 աստիճան տաքացրած ջեռոցի մեջ և թխում այնքան, մինչև տապակը շարժելիս միջուկի մեջտեղի մասը թրթռա։ Այն պետք է ախորժաբեր ոսկեգույն լինի (եթե գույնը ոսկեգույն է, սակայն միջուկը դեռ ջրիկ է, ծածկում ենք փայլաթիթեղով և թխում, մինչև պատրաստ լինի)։
Սառնարանից հանելուց հետո խմորը թողնում ենք 5-10 րոպե, այնուհետև փաթաթում գրտնակի վրա։ Խմորը տեղափոխում ենք օղակի կամ ձևամանի մեջ. զգուշորեն սեղմում ենք ձևամանի մեջ, բայց այնպես, որ այն նաև կողքերով դեպի վերև բարձրանա։
Ձևամանից դուրս մնացած հատվածները կտրում ենք և խմորի եզրերը մի քիչ օղակից վերև բարձրացնում:
Ձևամանի հատակը ծակծկում ենք պատառաքաղով (ցանկության դեպքում կողքերը կարող ենք ձևավորել): Այժմ խմորով ձևամանը մոտ 10-15 րոպեով դնում ենք սառցարանը։
Սառած հում խմորի վրա յուղաթուղթ և ծանրություն ենք դնում ու 15 րոպեով տեղափոխում մինչև 200 աստիճան տաքացրած ջեռոցը։
Պատրաստում ենք միջուկը: Բեկոնը ձողաձև կտրատում ենք և թեթևակի տապակում։ Դնում ենք անձեռոցիկի վրա, որպեսզի ավելորդ յուղը միջից դուրս գա։ Թխված շերտը ջեռոցից հանում ենք, ծանրությունը յուղաթղթով հանդերձ դնում մի կողմ: Խմորի վրա ձու ենք քսում և ևս 10 րոպեով դնում ջեռոցը։ Թխված շերտը սառեցնում ենք, բեկոնը շարում վրան։
Քերում ենք պանիրը։ Միջուկի համար նախատեսված բոլոր բաղադրիչները լցնում ենք ամանի մեջ և խառնիչով խառնում։ Պանիրը դնում ենք բեկոնի վրա, այնուհետև լցնում ենք սերուցքային խառնուրդը։ Դնում ենք մինչև 180 աստիճան տաքացրած ջեռոցի մեջ և թխում այնքան, մինչև տապակը շարժելիս միջուկի մեջտեղի մասը թրթռա։ Այն պետք է ախորժաբեր ոսկեգույն լինի (եթե գույնը ոսկեգույն է, սակայն միջուկը դեռ ջրիկ է, ծածկում ենք փայլաթիթեղով և թխում, մինչև պատրաստ լինի)։
Ի դեպ, եթե պիրոգ պատրաստելիս շվեյցարական պանիր չեք գտնում, կարող եք պանրի տեսակը փոխել։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել