Խաղաղ օվկիանոսում հրդեհվել է 3.8 հազար ավտոմեքենայով բարձված նավը:

198 մետրանոց Sincerity Ace նավի վրա հրդեհ է բռնկվել անցյալ շաբաթ Ճապոնիայից Հավայան կղզիներ ավտոմեքենաների փոխադրման ժամանակ: Նավում են գտնվել անձնակազմի 21 անդամները: Նրանցից 16-ին կարողացել են փրկել, 4-ին հայտնաբերել են ջրում առանց կենդանության նշանների, մեկն անհետ կորել է:

Nissan կոնցեռնը հաստատել է, որ բեռնատար նավը տեղափոխելիս է եղել իրենց պատկանող 3.5 հազար ավտոմեքենա: Դրանից բացի՝ նավի վրա է եղել ավելի քան երեք հարյուր մարդատար մեքենա և շինարարական տեխնիկա: Ընկերությունը տեղեկություններ չունի ապրանքի վիճակի մասին:

Nissan-ի ներկայացուցիչները մտավախություն են հայտնել նավաստիների և փրկարարների կյանքի համար:

Հրդեհի բռնկման պատճառները դեռ հայտնի չեն: Sincerity Ace-ը դեռ այրվում է և շարժվում հոսանքով առանց անձնակազմի:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել