Հունվարի 1-ին, ժամը 9.20-ին հիվանդանոցներից մեկից ոստիկանության Կենտրոնական բաժին հաղորդում է ստացվել, որ շտապ օգնության խումբը «գանգուղեղային վնասվածք հարցականով» ախտորոշմամբ բուժօգնության է տեղափոխել մի երիտասարդի, որը հայտնել, որ Ազատության հրապարակում ծեծի են ենթարկել: 
Ըստ տուժողի՝ հունվարի 1-ին, ժամը 5-ից 9-ն ընկած ժամանակահատվածում մի տղամարդ «Սուրբ Զորավար» եկեղեցու մոտ, ինչից հետո Պուշկին փողոցում ձեռքերով և ոտքերով հարվածել է իր մարմնի տարբեր մասերին՝ պատճառել վնասվածքներ, հետո երբ ինքը եղել է գետնին ընկած, բացահայտ հափշտակել է ձեռքի պայուսակը, որի մեջ եղել է 850 ԱՄՆ դոլար, 160.000 դրամ և բջջային հեռախոս:
Ոստիկանության Կենտրոնական բաժնի ծառայողների օպերատիվ-հետախուզական միջոցառումների շնորհիվ պարզվել է, որ երիտասարդին մարմնական վնասվածք է պատճառել 1976 թվականին ծնված Թադևոս Հ.-ն:
Ձեռնարկվում են միջոցառումներ նրան հայտնաբերելու ուղղությամբ: 
Նախապատրաստվում են նյութեր:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել