Tert.am-ը գրում է.
Թուրքական ամենաընթերցվող «Հյուրրիյեթ» պարբերականի լրագրողներից Արդա Աքընին մինչև 15 տարվա ազատազրկում է սպառնում: Նրան մեղադրում են Թուրքիայում 2016 թվականին հեղաշրջման փորձի կազմակերպիչը համարվող թուրք կրոնական քարոզիչ Ֆեթուլլահ Գյուլենի «Ծառայություն» շարժման հետ կապ ունենալու և աջակցելու համար, գրում է «Սաբահ» պարբերականը:
Մեղադրական ակտի մեջ տեղ են գտել լրագրողի Twitter-ի էջում տեղ գտած որոշ գրառումներ, որոնք նա արել է դեռևս 2016-ի հունիսին և որոնցից կարելի է ենթադրել, որ վերջինս տեղյակ է մոտ ապագայում երկրում տեղի ունենալիք բուռն զարգացումների մասին:
2016-ի հունիսի 20-ի գրառման մեջ Աքընը, մասնավորապես, գրել է. «Հուլիսին չենք կարողանա քնել, հիմա մի լավ քնեք: Ասում են՝ վերջին 200 տարվա ամենաթեժ հուլիսն է սպասվում»:
Մեկ այլ՝ հունիսի 18-ի գրառման մեջ նա նշել է. «Մեծ թափով գնում ենք դեպի շատ բարդ շրջան…Վերջը թող բարի լինի»:
Ամբողջական հոդվածը կարող եք կարդալ այստեղ
