Ճապոնիայի իշխանությունների պաշտոնական վիճակագրության համաձայն՝ այս տարի երկրում դիտվում է ողջ պատմության ընթացքում բնակչության ամենազգալի բնական նվազումը:
Ինչպես հայտնել է CNN-ը, անցնող 2018 թվականին նաև սահմանվել է ծնելիության հակառեկորդ. լույս աշխարհ է եկել ընդամենը 921 հազար երեխա: Դա ամենացածր ցուցանիշն է դիտարկումների սկզբից, այսինքն՝ 1899 թվականից ի վեր: 2017 թվականից նորածինների թիվը տարվա ընթացքում ընկել է 25 հազարով և արդեն երրորդ տարին անընդմեջ չի գերազանցում 1 միլիոնը:
Մահացությունն անցնող տարում ռեկորդային չափերի է հասել հետպատերազմական ժամանակաշրջանի համար՝ 1,369 միլիոն: Այսպիսով Ճապոնիայում բնակչության բնական նվազումը կազմել Է 448 հազար, ինչն ամենաբարձր ցուցանիշն Է պատմության մեջ:
Ճապոնիան աշխարհի «ամենածեր» ազգերից մեկն է. բնակչության ավելի քան 20 տոկոսը 65-ից բարձր տարիքի են: Ներկայում երկրի բնակչության թվաքանակը կազմում է 124 միլիոն, բայց 2065 թվականին, ըստ կանխատեսումների, այն կկազմի 88 միլիոն:
Երկրի իշխանությունները փորձում են պայքարել բացասական միտումների դեմ. 2017 թվականին հայտարարվել է, որ կառավարությունը լրացուցիչ 18 մլն դոլար կուղղի նախադպրոցական հաստատությունների ֆինանսավորման և երեխաներ ունեցող չքավոր ընտանիքներին օգնելու համար։
