Բաղադրիչներ

  • Խմորի համար՝
  • ձու - 2 հատ
  • կարագ - 200 գ
  • շաքարի փոշի - 1 ճ/գ
  • փխրեցուցիչ - 1/2 թ/գ
  • ալյուր - 500 գ
  • Ինչպես նաև՝
  • եփած խտացրած կաթ - 1 բանկա
  • շոկոլադ կաթնային - 50 գ

Պատրաստման եղանակը

Փափկած կարագը հարել շաքարի փոշու հետ, ավելացնել ձուն և շարունակել հարել:
mrjnabuyn-2
Ալյուրը խառնել փխրեցուցիչի հետ, ապա ավելացնել ձվային զանգվածին և հունցել փափուկ խմոր: Շատ կարևոր է, որ խմորը հունցեք շատ արագ և չափից ավել չտրորեք այն, որպեսզի ստանաք նուրբ և փխրուն, հակառակ դեպքում խմորը կդառնա պինդ և ձգվող:
mrjnabuyn-3
Խմորը կլորացնելով վերածել գնդի, փաթաթել ցելոֆանով և տեղափոխել սառնարան 30-40 րոպեով:
mrjnabuyn-4
Պատրաստի խմորն անցկացնել մսաղացով՝ ստանալով երկար պարաններ, ապա հավասարաչափ փռել դրանք պերգամենտային թղթով պատված տապակի վրա:
mrjnabuyn-6
Թխել ջեռոցում 20-25 րոպե 200 աստիճանում մինչև նուրբ ոսկեգույն երանգի առաջացումը:
mrjnabuyn-7
Թողնել՝ թխվածքը սառչի, ապա տեղադրել մեծ ամանի մեջ և ձեռքերով խառնելով վերածել փշրանքի: Վրան լցնել եփած խտացրած կաթը և լավ խառնել:
mrjnabuyn-8
Ստացված զանգվածից 1-ական ճ/գ լցնել կեքսերի համար նախատեսված թղթե ձևամաների մեջ, վրան տարածել մի քիչ հալեցրած շոկոլադ և մատուցել:
mrjnabuyn-9
mrjnabuyn-10

Երևի չկա մեկը, ով չի սիրում «Մրջնաբույն» փոքր ժամանակից։ Օգտվեք «Մրջնաբույն» պատրաստելու այս բաղադրատոմսից և հիացրեք Ձեր սիրելիներին այս նրբաճաշակ և համեղ թխվածքով:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել