Ադրբեջանի պաշտպանության նախարար Զաքիր Հասանովը երեքշաբթի օրը հանդիպել է Ադրբեջանում գտնվող՝ ԱՄՆ-ի պաշտպանության փոխնախարարի խորհրդական Լաուրա Կուպերի գլխավորած պատվիրակության հետ։

Փոխնախարարի խորհրդականի հետ հանդիպման ժամանակ նախարար Հասանովը հայտարարել է, որ երկու կողմերն էլ շահագրգռված են ռազմական, ռազմա-տեխնիկական և ռազմա-կրթական ոլորտներում համագործակցության ընդլայնմամբ:

Զաքիր Հասանովը նաև փոխնախարարի խորհրդականին տեղեկացրել է, որ որոշվել է ավելացնել ադրբեջանցի սպաների թիվը, որոնք ուսում են ստանում ԱՄՆ-ի առաջատար ռազմական ուսումնական հաստատություններում:

Առավել հետաքրքիր է, որ ՊՆ փոխնախարարի խորհրդականն ադրբեջանական կողմի հետ հանդիպման ժամանակ կարևորել է Ադրբեջանի դերը ահաբեկչության դեմ պայքարի գործում։ Պետությունը, որը առաջիններից է, որ օգնում է ահաբեկիչներին թե՛ գումարով, թե՛ քանակով, համարվում է ահաբեկչության դեմ պայքարող։

Տեսնես փոխնախարարի խորհրդականը չի՞ փորձել ճշտումներ իրականացնել, թե ինչու Ադրբեջանը ժամանակ առ ժամանակ Ինտերպոլին չի տրամադրում այն ահաբեկիչներին, ովքեր փախչում են Ադրբեջան՝ պատասխանատվությունից խուսափելու համար։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել