Ամերիկացի ֆիզիկոս Ռիչարդ Ֆեյնմանի (1918-1988) նոբելյան ոսկե շքանշանը Նյու Յորքում Sotheby՚s աճուրդում վաճառվել է 975 հազար դոլարով: Այս մասին հայտնել է աճուրդների տան ներկայացուցիչ Հալլի Ֆրիրը:
«Այս տարի նշվում է Ռիչարդ Ֆեյնմանի ծննդյան հարյուր ամյակը, և 1965-ին ֆիզիկայի բնագավառում նրա ստացած նոբելյան դափնեկրի շքանշանը վաճառվել է 975 հազար դոլարով»,- ասել է նա:
Ռիչարդ Ֆեյնմանը քվանտային էլեկտրադինամիկայի ստեղծողներից է: Նա մասնակցել է Լոս Ալամոսի լաբորատորիայում ամերիկյան ատոմային ռումբի ստեղծմանը, զբաղվել է քվանտային մեխանիկայով և դաշտի քվանտային տեսությամբ:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել