168.am-ը գրում է.

ՀՀ գլխավոր դատախազությունը  ՀՀ նախկին նախագահ Ռոբերտ Քոչարյանին ձերբակալելու նոր փորձ է ձեռնարկել: Այդ մասին ասվում է ռուսական НТВ-ի անդրադարձում:

Հեռուստաալիքը հիշեցնում է, որ առաջին անգամ նա կալանավորվել է հուլիսի 28-ին` 10 տարվա վաղեմության դեպքերի ժամանակ սահմանադրական կարգը խախտելու մեղադրանքով:

«Ինքը` Ռոբերտ Քոչարյանը, իր հասցեին մեղադրանքները անհեթեթ է համարում և կարծում, որ ՀՀ վարչապետ Նիկոլ Փաշինյանը փորձում է հաշիվներ  մաքրել իր հետ: Այդ մասին նա պատմել էր վերջերս НТВ-ին տված հարցազրույցում»,- հիշեցնում է հեռուստաալիքը:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել