Operativ.am-ը գրում է

Ռազմական վերլուծաբան Կարեն Հովհաննիսյանը ֆեյսբուքյան իր էջում գրել է. «Երբ խոսում են երկրի սահմանից, անվտանգությունից մարդիկ, ովքեր երկար տարիներ հնարավորություն են ունեցել այդ անվտանգությունը սահմանում հասցնել մաքսիմալի , բայց չեն արել:

Դուք ամենաբարձր մակարդակով հայտարարում էիք, թե պահածոյի տարրաներով դիրքի անվտանգություն պահելը շատ ավելի էֆեկտիվ է, քանի տեսանկարահանող սարքի, քանի որ այդ սարքը հակառակորդի դիպուկահարը կարող է շարքից հանել: Լավ, դուք բա չե՞ք ամաչում, դուք գոնե մի հատ ձեր արածը նայեք էլի, ավելի ճիշտ չարածին նայեք: Դուք անգամ դիրք հասնելու համար ճանապարհ չեք կառուցել, դուք բերեցիք ասպարեզ «չպահվող դիրք» հասկացողությունը: Ախր դուք այնքան խոցելի եք, երբ խոսում եք անվտանգությունից, երբ խոսում եք Ազգ- Բանակ կոնցեպտից, երբ խոսում եք շարքային զինվորից և սպայից: Այդ դուք էիք, որ ոստիկանության ուժերին զինել էիք ամենավերջին ժամանակակից զենք ու զրահով, դիրքապահ 18-20 տարեկան զինվորին թողնելով մերկ, թողնելով տանից ուղարկվող հագ ու կապի հույսին, թողնելով մի քանի փամփուշտի հույսին իրական թշնամու դեմ հանդիման:

Չեմ ուզում, որ գա ժամանակ ու էս նույն բաների մասին գրեմ ներկա իշխանության հասցեին, իսկապես շատ եմ ուզում հաջողի այս իշխանությունը, այն Հայաստանին շատ պետք է: Ամեն օր ու ժամ Հայաստանի համար այսօր շատ թանկ է»:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել