Google Maps-ը ամերիկացի զբոսաշրջիկ ուսանողուհուն դուրս է բերել գոյություն չունեցող ճանապարհ, ինչի արդյունքում նա ստիպված է եղել հինգ օր ապրել անապատում: Այս մասին գրում է Daily Express-ը:
24-ամյա Ամբեր Վանհեքեն ավտոմեքենայով ճամփորդել է Արիզոնայի Մեծ Կանյոնում։ Որպես նշանակման վայր նա Google Maps-ում նշել է Havasu Falls Trail-ը: Այնուամենայնիվ, GPS նավիգատորը նրան հասցրել է գոյություն չունեցող ճանապարհ։
«Ես հույսս չէի կորցնում, որ շուտով ճանապարհ դուրս կգամ, բայց շուտով մութն ընկավ, և ես սկսեցի խուճապի մատնվել, քանի որ GPS-ը դադարեց աշխատել»,- ասել է աղջիկը։ Նա ստիպված է եղել սպասել մինչև առավոտ, որպեսզի հասկանա, թե որտեղ է գտնվում։
Արդյունքում աղջիկը անապատում մնացել է հինգ օր, քանի որ մեքենայում բենզին չի եղել։ Այդ ընթացքում միայն մեկ բեռնատար է անցել այդ վայրով, բայց չի նկատել իր մեքենան, քանի որ մութ է եղել։
Այլևս անիմաստ համարելով սպասելը, նա ոտքով անցել է 17 կիլոմետր, մինչև համացանցի ազդանշանը վերականգնվել է, և նրան հաջողվել է զանգահարել 911։ 30 րոպե անց շտապօգնության ուղղաթիռը հայտնաբերել է նրան։ Աղջկան հիվանդանոց են տեղափոխել։ Նա այրվածքներ է ունեցել մաշկի վրա և ջրազրկված է եղել։
