Սուրճը հրաշք ըմպելիք է։ Այն ոչ միայն առույգացնում է, այլ նաև օգտակար է օրգանիզմի համար։
Սուրճն ավելին է, քան սովորական ըմպելիքը։ Արթնանալուց անմիջապես հետո հաճելի է վայելել նոր պատրաստած էսպրեսսո, կապուչինո կամ լատե։
Սրա հետ մեկտեղ շատ քչերը գիտեն, որ սուրճը նաև օգտակար է մեր օրգանիզմի համար։ Սուրճի հատիկների մեջ կան վիտամիններ, հանքանյութեր և հակաօքսիդանտներ, որոնք ամրացնում են իմունիտետը և դրական են ազդում օրգանիզմի աշխատանքի վրա։
Պատմում ենք, թե ինչու է օգտակար օրը սկսել մեկ բաժակ թարմ սուրճով։
Ամրացնում է սիրտը և անոթները
Սուրճն օգտակար է սիրտ-անոթային համակարգի համար։ Հետազոտությունները ցույց են տվել, որ սուրճն անոթներին ճկունություն է հաղորդում և նվազեցնում է ինֆարկտի և ինսուլտի հավանականությունը։ Արդյունքը զգալու համար հարկավոր է ամեն օր սուրճ օգտագործել, բայց քիչ քանակությամբ։
Նվազեցնում է շաքարախտի հավանականությունը
Զարմանալի է այն հանգամանքը, որ սուրճը կարգավորում է օրգանիզմում շաքարի քանակությունը և նվազեցնում է շաքարախտի հավանականությունը0։ Եթե ամեն օր սուրճ օգտագործեք, ապա հնարավոր է 7%-ով նվազեցնել այս հիվանդության հավանականությունը։ Սուրճը կօգնի ոչ միայն կանխարգելել այս հիվանդությունը, այլ նաև պահպանել արյան մեջ շաքարի մակարդակը։
Բարձրացնում է կենտրոնացվածությունը
Դասերի կամ աշխատանքի ժամանակ անընդհատ սուրճ խմելու կարիք է զգացվում։ Օրգանիզմին հնարավոր չէ խաբել, այն գիտի, որ կենտրոնացվածության բարձրացման համար սուրճ է հարկավոր։ Սուրճը բաձրացնում է աշխատունակությունը և կենտրոնացնում է ուշադրությունը, որի արդյունքում ավելի արագ են կատարվում աշխատանքը և դասերը։
Բարձրացնում է տրամադրությունը
Սուրճը նաև բարձրացնում է տրամադրությունը։ Մեկ բաժակ սուրճն ավելացնում է դոֆամինի քանակը, որը նպաստում է տրամադրության բարձրացմանը։ Հենց այս պատճառով է դոֆամինը հաճախ «երջանկության հորմոն» են անվանում։ Մի զարմացեք, եթե սուրճը ներքին հարմոնիայի և ուրախության զգացում է առաջացնում։
Իջեցնում է խոլեստերինի քանակը
Սուրճը նպաստում է խոլեստերինի կարգավորմանը և խոչընդոտում է անոթների պատերին ճարպագոյացությունների առաջացմանը։ Սրա համար բավական է օրական ընդամենը մեկ բաճակ սուրճ խմելը։ Սա կապված է այն բանի հետ, որ սուրճի մեջ առկա են օգտակար կալիում և հակաօքսիդանտներ։ Սուրճի մեջ առկա է նաև օրգանական կաֆեստոլ նյութը, որը նվազեցնում է արյան խոլեստերինի մակարդակը։