Իտալական անչափ համեղ թխվածք, որն արժե գոնե մեկ անգամ փորձել

Չափաբաժինները` 12

1. Պատրաստում ենք ռիկոտտան։ Առավոտյան 1 տուփ կեֆիր ենք դնում սառցարանի մեջ։ Երեկոյան սառեցված կեֆիրը սառցարանից հանում ենք, տուփից ազատում և դնում քամիչի վրա։ Գիշերը թողնում ենք սենյակային ջերմաստիճանում։ Առավոտյան նուրբ կաթնաշոռ կստանանք։ Շիճուկը կարելի է ցանկացած թխվածքի մեջ կաթի կամ ջրի փոխարեն օգտագործել։
2. Կտրատում ենք չրերը:
   Պատրաստում ենք խմորը. աղը լցնում ենք ջրի մեջ, խառնում ենք, որ լուծվի։ Մաղած ալյուրը աղաջրի և մեղրի հետ խառնում ենք։ Խմոր ենք հունցում։ Ալյուրն աստիճանաբար ենք ավելացնում, քանի որ այդքան քիչ քանակությամբ ջրի հետ 500 գր ալյուրը դժվար է հունցել։ Աստիճանաբար ալյուրը լցնում ենք և հունցում ենք մինչև խմորը պնդանա։ Խմորի վրա կարագ ենք քսում, սննդային փաթեթով ծածկում ենք և 2 ժամով տեղափոխում ենք սառնարանը։
   
3. Եթե շտապում ենք, կարող ենք 1 ժամից խմորը հանել և երշիկի տեսքով գրտնակել։ Սա ամենադժվար պահն է. պետք է թղթի հաստությամբ և 2 մետր երկարությամբ խմոր գրտնակենք։ Քանի որ, ոչ բոլորն ունեն 2 մետրանոց սեղան, կարող ենք ծալել խմորը, միևնույն է այն չի կպչի իրար։
   
4. Իտալական հացաբուլկեղենի արտադրամասերում խմորը գլանի տեսքով գրտնակի վրա են փաթաթում։ Այժմ ժապավենաձև խմորը պատում ենք յուղով և շատ կիպ փաթաթում ենք, որպեսզի արանքներում օդ չմնա։
   
5. Որքան բարակ գրտնակենք, այնքան ավելի երկար կլինի խմորը և թխվածքի շերտերը շատ կլինեն։ Ժապավենը պետք է գրեթե նույն լայնության լինի, որպեսզի ռուլետը կիպ փաթաթվի ։ Եթե ռուլետի եզրերը հավասար չեն, կտրում ենք, իսկ կտրած հատվածների մեջ կարող ենք ավելացած միջուկից դնել և կարկանդակ թխել։ Խմորը սննդային փաթեթով ծածկում ենք և 1 ժամով (կամ ամբողջ գիշերը) տեղափոխում ենք սառնարանը։
   
6. Առավոտյան սպիտակաձավարով թանձր շիլա ենք եփում. սպիտակաձավարը աղով համեմված սառը կաթի մեջ ենք լցնում, հասցնում ենք եռման աստիճանի, և խառնելով 3-5 րոպե եփում ենք։ Սառեցնում ենք։ Ավելացնում ենք շաքարավազը (ավելի լավ է շաքարի փոշի լցնել, որպեսզի շուտ լուծվի), ռիկոտտան, չրերը, դարչինը, վանիլինը և լավ խառնում ենք։ Իտալիայում այս միջուկը ձեռքերով են խառնում, բայց կարող ենք հարիչով հարել։
   
7. Խմորը սառնարանից հանում ենք, անհավասար եզրը կտրում ենք և 1 սմ հաստությամբ շրջաններով կտրատում։
   
8. Յուրաքանչյուր կտորից կոն ենք ձևավորում։ Վերցնում ենք խմորը, բութ մատով կենտրոնից ներս ենք սեղմում և մատերով պտտում ենք` կոն ձևավորելով։ Պետք է զգույշ լինենք, որ շերտերը իրարից չառանձնանան։ Շերտերը պետք է բավական բարակ բացենք, որպեսզի կոնն ավելի տարողունակ լինի։
   
9. Բացելուց հետո, անմիջապես միջուկ ենք լցնում և դնում ենք տապակի մեջ։ Թխվածքների վրա ձու ենք քսում և 180 աստիճան տաքացրած ջեռոցում 20 րոպե թխում ենք։
   
10. Պատրաստի շերտավոր թխվածքի վրա շաքարի փոշի ենք ցանում։