«Իմ քայլը» դաշինքը դեռևս հաստատված կարգախոս չունի։ Այս մասին ֆեյսբուքյան իր էջում գրել է «Քաղաքացիական պայմանագիր» կուսակցության մամուլի խոսնակ Վահան Կոստանյանը:

«Մտագրոհի ընթացքում հնչել են բազմաթիվ տարբերակներ, որոնցից մեկը որպես տարբերակ հնչեցվել է իմ մի քանի գործընկերների կողմից։ Քննարկումները շարունակվում են»,- գրել է նա:

Նշենք, որ «Ելք» խմբակցության պատգամավոր Հրաչյա Հակոբյանն ԱԺ-ում լրագրողների հետ զրույցում ասել էր, որ «Իմ քայլը» կուսակցությունների դաշինքը դեկտեմբերի 9-ին արտահերթ խորհրդարանական ընտրություններին կմասնակցի «Նիկոլ, վարչապետ» կարգախոսով։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել