Tert.am-ը գրում է.
Ուսխորհրդի լուծարման հիմքեր չկան. նման համոզման է ԵՊՀ ուսխորհրդի նախագահ Դավիթ Ափոյանը:
Tert.am-ի հետ զրույցում Ափոյանը նշեց՝ կարծում է, որ եթե կառույցը ձևավորվել է ուսանողների կողմից, ունի համագումարի կողմից հաստատված կանոնադրություն և համագումարը հաստատում է նրա գործունեությունը, ապա որևէ վերին օղակից կառույց չի կարող լուծարել ուսխորհուրդը: «Կառույցը լուծարում է այն մարմինը, որը հիմնադրում է»,-ասաց նա:
Նշենք, որ «Ռեստարտ» ուսանողական նախաձեռնությունը ԵՊՀ կենտրոնական մասնաշենքերում բողոքի ակցիաներ է սկսել՝ ընդդեմ ԵՊՀ ուսանողական խորհրդի՝ պահանջելով ուսխորհրդի լուծարում: Երկու ուսանողական կառույցները նամակներով դիմել են ԿԳ նախարարությանը և ստացել են տարբեր պատասխաններ: Ուսխորհրդին ԿԳՆ-ից իրենց ուղղված նամակում նշվել է, որ անհրաժեշտ է կանոնադրության համապատասխանեցում, իսկ «Ռեստարտ»-ին ուղղված նամակում ԿԳՆ-ն խոսել է ուսխորհրդի լուծարման մասին։
Ամբողջական հոդվածը կարող եք կարդալ այստեղ։
