Armsport.am-ը գրում է.
«Արսենալի» գլխավոր մարզիչ Ունայ Էմերին Եվրոպա լիգայի խմբային փուլի 4-րդ տուրի «Սպորտինգի» հետ խաղից հետո պատմել է Դենի Ուելբեքի վնասվածքի մասին:
Հարձակվողն անհաջող վայր է ընկել և լրջորեն վնասել կոճը.
«Ուելբեքի վնասվածքը երեկոյի ամենասարսափելի նորությունն էր, մենք նրա հետ ենք այս րոպեներին:
Նա հիանալի աշխատեց, լավ խաղ անցկացրեց:
Գոլ խփելու մի քանի շանս ուներ: Նրա վնասվածքն ազդեց ֆուտբոլիստների վրա: Նրանք տեսան, թե վնասվածքը որքան լուրջ էր: Դա բոլորի հետ կարող է պատահել խաղի ժամանակ: Չեք ցանկանում, որ նման բան լինի, բայց սա մեր մասնագիտությունն է:
Երբ խաղադաշտում որևէ մեկը նման լուրջ վնասվածք է ստացել, բոլորը նրան են նայում: Սկզբում դա քո մտքում է, մտածում ես ֆուտբոլիստի մասին: Բայց կարծում եմ` խաղացողները կարողացան կենտրոնանալ խաղի վրա, արդեն հաջորդ րոպեին մենք մոռացանք այդ վնասվածքի մասին:
Բայց երբ խաղն ավարտվեց, առաջինը, որ նրանք արեցին Ուելբեքի մասին հարցնելն էր: Նա հիվանդանոցում է, կսպասենք նորությունների: Բայց կարծում եմ` լուրջ վնասվածք է»,- Էմերիի խոսքերն է փոխանցում «Արսենալի» պաշտոնական կայքը:
