Armsport.am-ը գրում է.
Շվեյցարացի թենիսիստ Ռոջեր Ֆեդերերը պատասխանել է այն հարցին, թե որ թենիսիստին կերկրպագեր, եթե հիմա փոքր երեխա լիներ.
«Միանշանակ, կերկրպագեի Ռաֆայել Նադալին: Նա շատ հետաքրքիր, եռանդուն թենիսիստ է և իդեալական օրինակ է երիտասարդ սերնդի համար:
Շատ եմ գնահատում Ռաֆային և Նովակ Ջոկովիչին: Նրանք կորտում ջանք չեն խնայում:
Նրանք ինձանից երիտասարդ են, սակայն ֆիզիկական տեսանկյունից ես հիմա ինձ ավելի լավ եմ զգում, քան 20 տարեկանում»,- Ֆեդերերի խոսքը մեջբերել է Tennis World USA-ը:37-ամյա Ռոջերը նաև նշել է, թե մյուս թենիսիստների որ որակներից կցանկանար ունենալ.
«Կցանկանայի այնպիսի հզոր հարվածներ կատարել, ինչպիսին կատարում են Կարլովիչն ու Իսները: Նրանք մեկ հարվածով միավորներ են վաստակում: Կամ էլ Էդբերգի նման ընթացքից հարվածներ կատարել: Ինձ միշտ դուր են եկել այն թենիսիստները, ովքեր ուժեղ են այդ տեսանկյունից»,- ասել է Ֆեդերերը:
Նյութի աղբյուր՝ http://www.armsport.am/hy/news/2018/11/08/federer/927800
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել