Aysor.am-ը գրում է.
Հայաստանի և Ադրբեջանի միջև գերիների փոխանակման հանձնաժողովը շուտով վերսկսելու է իր աշխատանքները, այսօր լրագրողների հետ ճեպազրույցում հայտարարեց պաշտպանության նախարարի ժամանակավոր պաշտոնակատար Դավիթ Տոնոյանը։
 
Նա տեղեկացրեց, որ այս փուլում հանձնաժողովի աշխատանքները ղեկավարելու է ինքը՝ պաշտպանության նախարարի ժամանակավոր պաշտոնակատարը։
 
«Ես մի անգամ նիստ եմ հրավիրել, քանի որ այսպես կոչված, անցումային շրջան էր, հրատապ խնդիրներ կային և որոշվել է, որ պաշտպանության նախարարը պետք է շարունակի ղեկավարել այդ աշխատանքները», - հայտարարեց Տոնոյանը։
 
Հարցին, թե ադրբեջանական կողմից պաշտոնապես եղե՞լ է առաջարկգերիների փոխանակման մասին, ինչպես գրել էր «Интерфакс-Азербайджан»-ը, Տոնոյանը հերքեց. «Ո՛չ, պաշտոնապես նման առաջարկ չի եղել։ Ես ազնվորեն ասել եմ, որ նման տեղեկություններ լսել եմ լրատվամիջոցներից»։

Նշենք, որ Ադրբեջանում պահվում է ՀՀ 3 քաղաքացի՝ Արսեն Բաղդասարյանը, Կարեն Ղազարյանը և Զավեն Կարապետյանը։

Ամբողջական հոդվածը կարող եք կարդալ այստեղ

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել