«Թոփ մոդել ԱՊՀ-2018»-ի հաղթողը Ռուսաստանի ներկայացուցիչ Դարյա Բարանովան է

Մարզահամերգային համալիրում երեկ կայացավ «Թոփ մոդել ԱՊՀ-2018» գեղեցկության մրցույթը, որի հաղթող ճանաչվեց Ռուսաստանի ներկայացուցիչ Դարյա Բարանովան: BlogNews.am-ը ներկա է եղել մրցույթին և ներկայացնում է երեկոյի ամբողջական ֆոտոշարքն ու մանրամասները։

Մրցույթի եզրափակչին այս տարի մասնակցելու հնարավորություն ունեին 21 գեղեցկուհիներ, որոնք Հայաստան էին ժամանել ԱՊՀ տարբեր երկրներից: Հայաստանը մրցույթին ներկայացնում էին երեք գեղեցկուհիներ՝ Եվա Բաղդասարյանը, Վիկտորյա Մարգարյանն ու Թինա Հայրապետյանը:

Գեղեցկուհիները երեկոյի ընթացքում ներկայացան մրցութային 3 կերպարներով` սեքսուալ լողազգեստով, իրենց երկիրը ներկայացնող ազգային հագուստով և աշխարհահռչակ նորաձևության տների երեկոյան ու հարսանեկան զգեստներով, ինչպիսիք էին, օրինակ, Zuhair Murad-ը, Berta-ն և այլն։

Երեկոյի հատուկ հյուրերն էին երգչուհիներ Բուկատարան և Ջուսը:

_H2A7581 copy _H2A7563 copy _H2A7711 copy _H2A7467 copy

Մրցույթում անվանակարգերը բազմազան էին` «Միսս ժպիտ», «Միսս ընկերասիրություն», «Միսս ոճ», «Միսս հմայք», «Նոր դեմք», «Միսս ֆոտոմոդել», «Միսս բիկինի», «Հանդիսատեսի համակրանք» և այլն, այնպես որ, 21 մասնակիցներից և ոչ ոք առանց կոչման չմնաց։ Մեր երկրի ներկայացուցիչ Եվա Բաղդասարյանին, ում հեռուստադիտողները հիշում են մի շարք սերիալներից, հաջողվեց մրցանակային տեղ գրավել՝ դառնալով մրցույթի 4-րդ մրցանակակիր։

Ռուսաստանն արդեն երկրորդ տարին անընդմեջ հաղթող է ճանաչվում մրցույթում։ Դարյա Բարանովան, ճանաչվելով ԱՊՀ լավագույն թոփ մոդել, ստացավ լավագույն միջազգային մրցույթներին մասնակցելու իրավունք, թանկարժեք թագ, գումարային պարգև, ճանապարհորդական ուղեգրեր, նվերներ միջոցառման բազմաթիվ գործընկերների կողմից, ինչպես նաև ճանաչված և առաջադեմ գովազդային գործակալությունների գովազդներին և նորաձևության ցուցադրություններին մասնակցելու հնարավորություն:

Նշենք, որ մրցույթը մեկնարկել էր դեռ հոկտեմբերի 25-ից։ Այս տարի միջազգային մրցույթին ներկայացվել էր բացառիկ՝ 10 հազարին մոտ հայտ, բայց կատարվել է խիստ ընտրություն, և ընտրվել են 30 գեղեցկուհիներ:

Լողազգեստով

Վիկտորյա Մարգարյան

Եվա Բաղդասարյան

Թինա Հայրապետյան

Մյուս մասնակիցները

_H2A7717 copy _H2A7721 copy _H2A7761 copy _H2A7763 copy _H2A7725 copy _H2A7766 copy _H2A7730 copy _H2A7774 copy _H2A7778 copy _H2A7732 copy _H2A7736 copy _H2A7741 copy _H2A7745 copy _H2A7749 copy _H2A7780 copy _H2A7786 copy