Շվեյցարիայի և Ռուսաստանի մի խումբ գիտնականներ հայտնաբերել են ողնուղեղի նեյրոնների էլեկտրախթանման մեթոդը, որը հնարավորություն է տվել վերականգնելու ողնաշարի վնասվածք ունեցող երեք կաթվածահար հիվանդների վերջույթների շարժունակությունը, գրում է Nature ամսագիրը:
Առնետների վրա փորձեր կատարելով՝ գիտնականները նկատել են, որ ողնաշարի վնասվածքներից հետո նյարդային որոշ մանրաթելեր անվնաս են մնում և ներգրավված չեն նյարդային համակարգի աշխատանքի մեջ: Ուստի դրանք կարելի է վերափոխել նոր գործառույթներ կատարելու համար:
Այս ենթադրությունները հետազոտողները փորձարկել են ինքնուրույն շարժվելու ունակությունից զրկված երեք հիվանդների վրա: Օգտագործելով նեյրոնների էլեկտրախթանումը՝ նրանք կարողացել են վերականգնել հիվանդների շարժողական ֆունկցիաները:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել