Yerkir.am-ը գրում է.

106 տարեկանում կյանքից հեռացել է Հայոց ցեղասպանությունը վերապրած Սիրվարդ Քուրդյանը, նա Տորոնտոյի բնակչուհի էր:

Ըստ Horizon Weekly-ի` Քուրդյանը եղել է ընդամենը երկու տարեկան, երբ նրա հայրենի քաղաքի բոլոր տղամարդկանց թուրքերն առևանգել են, ապա` սպանել:

Սիրվարդ Քուրդյանը ծնվել է հայկական տեղահանությունից երեք տարի առաջ: Նա ստիպված է եղել իր մոր, եղբայրների և քույրերի հետ Էրզրումից հասնել Թուրքիայի արևելք, այնուհետև` Մոսուլ քաղաքը: Ճանապարհորդությունը տևել է 6 ամիս: Մոսուլ հասնելուց որոշ ժամանակ անց նրանք տեղափոխվում են Սիրիայի Հալեպ քաղաքը: Այդ ժամանակ այնտեղ եղել է ավելի քան 100 հազար հայ, այդ թվում՝ նաև բազմաթիվ որբեր: Հալեպում Սիրվարդը սկսում է հաճախել դպրոց և շուտով դասարանի առաջատարներից է դառնում: 15 տարեկանում ամուսնանում է Խաչիկ Քուրդյանի հետ: 1974 թվականին Խաչիկ Քուրդյանը մահանում է: 1991 թվականին Սիրվարդն իր ընտանիքի հետ տեղափոխվում է Կանադա:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել