Աղն ու քացախը (կամ լիմոնի աղը-կիտրոնաթթուն) բացել նախատեսված ջրի 3/4-ի մեջ:
Ավելացնել ձուն, ալյուրը, խմոր հունցել:
Աստիճանաբար ավելացնել ալյուրը:
Թողնել սեղանի վրա կես ժամ:
Նախապատրաստել կարագը:
Այն պետք է նախապես փափկած լինի, որ հեշտ լինի խմորին քսելը: Խառնել մի քիչ ալյուրի հետ:
Այդ խառնուրդը պետք է լինի նույն թանձրության, ինչ խմորն է: Խմորը բացել ուղղանկյունաձև 1.5-2 սմ հաստությամբ, եզրերը ավելի բարակ լինեն, քան կենտրոնը:
Մեջտեղում դնել կարագը և ծրարաձև փակել: Դնել սառնարանի մեջ 20 րոպե:
Հետո խմորը բացել, աշխատելով կարագը շատ չտրորել: Խմորը երեք մասով ծալել:
Ստացված ուղղանկյունը շուռ տալ և նորից բացել, նորից երեք մասով ծալել և 20 րոպե դնել սառնարան:
Այսպես բացել և սառեցնել ևս 2 անգամ:
Պատրաստի խմորը բաժանել մասերի, ամեն մասը բացել 0.5-0.7 սմ հաստությամբ, թխել շատ տաք ջեռոցում` 230-250 աստիճանով 10 րոպե, հետո ջերմաստիճանն իջեցնել 190-200 աստիճան և թխել, մինչև կարմրի:
