Aysor.am-ը գրում է.
Կիրակի օրը հանրապետության մի շարք համայնքներում տեղի ունեցան համայնքապետի ընտրություններ, որտեղ հիմնականում հաղթող ճանաչվեցին «Քաղաքացիական պայմանագիր» կուսակցության ներկայացուցիչները։
Այս արդյունքները, ըստ քաղտեխնոլոգ Վիգեն Հակոբյանի, ինչ-որ չափով կանխատեսելի էին, քանի որ այսօրվա քաղաքական իրավիճակում դեռևս շարունակվում է վստահություն բարձր ռեյտինգ պահպանվել Հայաստանում իշխանափոխություն իրականացրած քաղաքական ուժի նկատմամբ։
«Ընտրություններն առանց լուրջ ընտրախախտումների են եղել, և եթե համեմատում են ՀՀԿ-ի ժամանակահատվածի հետ, հնարավոր է, որ արդյունքի տեսակետից նման է, ամեն տեղ իշխող ուժի ներկայացուցիչն է հաղթում, բայց փաստն այն է, որ առայժմ չկան բողոքներ ընտրակաշառքների, նույնիսկ վարչական ռեսուրսի օգտագործման մասին», - ասաց Վիգեն Հակոբյանը։
Նրա խոսքով՝ փոքր-ինչ սպասելի էին նույնիսկ այն արդյունքները, որոնք կան Կապանում։ Այստեղ, հիշեցնենք, ընտրվել է անկուսակցական թեկնածուն՝ հաղթելով «Քաղաքացիական պայմանագրի» ներկայացուցչին։
Ամբողջական հոդվածը կարող եք կարդալ այստեղ