Ընկույզն օգտակար է սրտին, շաքարային դիաբետին և քաշի նվազեցմանը

Ընկույզի օգտակար հատկությունները մեր անկայուն ժամանակներում էլ շատ են կարևորվում։ Գաղտնիք չէ, որ երբեմն ռադիոակտիվ ֆոնի տատանում է գրանցվում, իսկ ընկույզի յոդը օրգանիզմի պաշտպանական ուժերն է ակտիվացնում:

Ընկույզի միջուկը մարդու օրգանիզմի համար կարևոր B, PP, C վիտամիններ է պարունակում, բջջանք, կարոտին, հանքային միացություններ ու օրգանական նյութեր: 

Ընկույզի պարբերական օգտագործումը կանխարգելում է սրտի հիվանդությունների առաջացումը, նվազեցնում արյան մեջ վատ խոլեստերինի մակարդակը։

Ընկույզը շատ կարևոր է քաշը կարգավորելու համար։ Չնայած ընկույզի կալորիականությունը բավական բարձր է, քիչ քանակով օգտագործելու դեպքում այն կօգնի ավելորդ քաշի դեմ պայքարում։