Թուրքիայում սկսվել են պիցայի մեջ թքած առաքիչի գործով դատական լսումները։ Ինչպես հաղորդում է Daily Mail-ը՝ նրան կարող է մինչև 18 տարվա ազատազրկում սպառնալ։

Միջադեպը տեղի է ունեցել Էսքիշեհիր քաղաքում՝ մարտին։ 18-ամյա առաքիչ Բուրաքը բացել է տուփը և հեռախոսով կռացել է դրա վրա։ Նա թքել է պիցայի վրա, իսկ հետո տարել է այն հինգերորդ հարկ՝ Հուսեյն Ալյուզ անունով պատվիրատուին։

Առաքիչին մեղադրանք է առաջադրվել «սննդի թունավորման կամ փչացման միջոցով մարդու կյանքին դիտավորյալ վնաս հասցնելու» համար։

Ինքը՝ Բուրաքը պնդում է, որ բացել է տուփը, որպեսզի ստուգի պիցայի վիճակը, քանի որ ճանապարհին թեթև վթարի մեջ է ընկել։ «Ես գիտեի, որ պիցան պատվիրած տղամարդը կշտամբել էր իմ գործընկերուհի Էյլինին, որն ընդունել էր պատվերը։ Ես գիտեի, որ նա խնդրահարույց պատվիրատու է։ Ես բացեցի տուփը, որպեսզի համոզվեի, որ պիցան կարգին է, իսկ հետո լուսանկարեցի այն և ուղարկեցի Էյլինին։ Ես հաստատ չեմ թքել դրա վրա»,– հայտարարել է նա դատի ժամանակ։

Ալյուզը պնդում է, որ պիցան պատվիրելիս ոչ ոքի հետ չի վիճել։ Նա արդեն կերել էր երկու կտոր, երբ հաղորդագրություն է ստացել իր դռնապան զարմիկից՝ «չուտես պիցան» տեքստով։ Հետո նրանք միասին նայել են տեսախցիկների ձայնագրությունները և որոշել են, որ առաքիչը թքել է պիցայի վրա։

Քրեական դատարանը գործի լսումը հետաձգել է մինչև փետրվար։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել