Երջանիկ հարաբերությունների գաղտնիքը. հոգեբաններ

Կալիֆորնիայի համալսարանի գիտնականները հայտնել են երջանիկ և առողջ հարաբերությունների գաղտնիքը: Այս մասին գրում է Journal of Social and Personal Relationships պարբերականը:

Հոգեբան Մեգան Ռոբինսի խոսքով՝ ամենաերջանիկ զույգերը նրանք են, որոնք գործածում են «մենք» դերանունը: Հենց դա էլ խոսում է եսասիրության բացակայության և սերտ կապի մասին: Հոգեբանը նշել է, որ դա արդիական ինչպես երիտասարդ, այնպես էլ տարեց զույգերի համար:

Նշվում է, որ վեճերի և դժվարությունների ժամանակ ևս կարևոր է օգտագործել այդ դերանունը: Մասնագետների խոսքով՝ դա օգնում է հարաբերություններն ավելի վստահելի դարձնել: