Բուֆալոյի համալսարանի գիտնականները պարզել են՝ որևէ տարածքում լավ հարևանի առկայությունը կարող է բարությամբ վարակել նույնիսկ նրանց, ովքեր պատահաբար և կարճ ժամանակով են հայտնվում այդ վայրում: Համապատասխան ուսումնասիրությունը հրապարակվել է համալսարանի կայքում: Սոցիոլոգները նշել են, որ 21-րդ դարում միջին խավի ներկայացուցիչները անապահովների նկատմամբ ավելի գթասիրտ են, քան բնակչության հարուստ խավի ներկայացուցիչները:
Գիտնականները ապացուցել են, որ հարևանների միջև հաճախակի շփումների դեպքում 80-90 տոկոսի դեպքում կարգավորվում է ֆինանսական վիճակը, մարդիկ ձգտում են օգնել անհաջողության մեջ հայտնվածներին։ Նրանք ուսումնասիրություններ են անցկացրել 65 շրջանների մոտ 3000 տնտեսություններում և ապացուցել՝ որքան շատ բարի և հոգատար հարևաններով է շրջապատված մարդը, այնքան հեշտ է նա հաղթահարում սթրեսը, ագրեսիան, ֆինանսական դժվարությունները։