168.am-ը գրում է.

Եվրասիական տնտեսական հանձնաժողովի կոլեգիայի նախագահ Տիգրան Սարգսյանը ցավակցական ուղերձ է հղել աշխարհահռչակ շանսոնյե Շառլ Ազնավուրի մահվան կապակցությամբ: Ինչպես հաղորդում է «Արմենպրես»-ը, ուղերձում ասված է.

«Շառլ Ազնավուրը մի ամբողջ դարաշրջան է իր մեջ կրում. ողբերգություններ, պատերազմներ, խոշտանգումներ, նաև  մարդասիրություն, տոկունություն եւ սեր: Այդ դարաշրջանը կոտրվեց իր զարմանահրաշ անհատականությամբ՝ հոգու տարածության միջոցով :

Կան արվեստի գործեր, որոնք զարմանալի ներթափանցող ուժ ունեն: Նրանք, որպես ռադիումի մասնիկ, իրենց ստեղծողից հեռանալուց հետո, դեռ երկար ժամանակ կօտարեն իրենց մեջ եղած հավերժությունը: Ազնավուրի ստեղծագործության մեջ հավերժությունն ու սերը բյուրեղացել են, և այս կախարդական բյուրեղը դարձել է զարդ մարդկային գանձարանում:

Հավերժության մեջ հայտնվում են ոչ բոլորը: Բայց Շառլ Ազնավուրն արդեն այնտեղ է, և, ինչպես կյանքում, փայլելով նայում է մեզ ապագայից»:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել