Armsport.am-ը գրում է.
Այս օրերին Հայաստանի շախմատի կանանց և տղամարդկանց հավաքականները ուսումնամարզական վերջին հավաքն են շարունակում Ծաղկաձորում:
Մեր ընտրանիները նախապատրաստվում են սեպտեմբերի 23-ին Բաթումիում մեկնարկելիք շախմատի համաշխարհային 43-րդ օլիմպիադային:
Մեր հավաքականները խաղասեղանների շուրջ կնստեն հետևյալ կազմերով`
Կանայք` Էլինա Դանիելյան, Լիլիթ Մկրտչյան, Աննա Սարգսյան, Մարիա Կուրսովա
Տղամարդիկ` Լևոն Արոնյան, Գաբրիել Սարգսյան, Հրանտ Մելքումյան, Ռոբերտ Հովհաննիսյան:
Պահեստայիններն են Սիրանուշ Ղուկասյանը և Հայկ Մարտիրոսյանը:
Մերոնք մրցավայր կմեկնեն սեպտեմբերի 22-ին` Երևան-Բաթումի գնացքով և կվերադառնան հոկտեմբերի 6-ին:
Նշենք, որ տղամարդկանց հավաքականը համաշխարհային օլիմպիադայի հաղթող է դարձել երեք անգամ,իսկ կանանց թիմի լավագույն արդյունքը /5-րդ տեղ/ գրանցվել է 2014 թվականին Նորվեգիայի ստուգատեսում: