Ավստրալիայում կինը խանութում ձեռք բերված խնձորի մեջ կարի ասեղ է հայտնաբերել: Այս մասին հաղորդում է ABC News-ը:
Միջադեպը տեղի է ունեցել Սիդնեյի Նոր Հարավային Ուելս նահանգում: Մի կին խանութից գնել է վեց խնձորով փաթեթ և խնձորները կտրելիս ասեղ է հայտնաբերել: Կինը պատրաստվել է խնձոր դնել իր դստեր պայուսակում, որպեսզի նա ճաշի ընթացքում ուտի:
Ավստրալիայում սա առաջին դեպքը չէ, մինչ այդ ելակի և բանանի մեջ նույնպես ասեղ են հայտնաբերել: Ոստիկանությունը հրաժարվում է այս դեպքերի միջև որևէ կապ տեսնել: Ոստիկանության բաժնի պետ Դուերթին նշել է, որ իրենք մոտ 20 դիմում են ստացել նման բովանդակությամբ. նա հորդորել է երեխաներին միրգ տալուց առաջ կտրել այն:
Որոշ ֆերմերներ սկսել են իրենց կրպակներում մետաղ փնտրող սարքեր տեղադրել, որպեսզի վաճառողները վստահ լինեն գնված ապրանքի անվտանգության հարցում:
