168.am-ը գրում է.

Ֆիլիպիններում առնվազն երկու մարդ հուժկու «Մանգհուտ» թայֆունի զոհ է դարձել: Այս մասին տեղեկանում է РИА Новости լրատվական գործակալությունից:

Աղետների կարգավորման և ռիսկերի նվազման ազգային խորհրդում հաստատել են, որ Կորդիլերայի շրջանում փլուզումների արդյունքում երկու մարդ է զոհվել:

Հուժկու թայֆունն ուրբաթ երեկոյան հարվածել է Ֆիլիպինների հյուսիսարևելյան ափերին: Ֆիլիպինների մթնոլորտային, գեոֆիզիկական և աստղագիտական ծառայություններից հաղորդում են, որ արշիպելագի մի քանի կղզիներում քամու ուժգնությունը 170 կմ/ժ է, իսկ Լուզոնի հյուսիսում ալիքի բարձրությունը կարող է հասնել մինչև վեց մետր բարձրության: Բացի այդ, սպասվում են ուժեղ տեղումներ, կան նաև նախազգուշացումներ ջրհեղեղի մասին:

Մոտ հարյուր ներքին և միջազգային չվերթներ չեղյալ են հայտարարվել, շուրջ 423 հազար սպառողների համար փորձում են էլեկտրաէներգիա ապահովել:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել