Tert.am-ը գրում է.
«Տրանսֆորմատոր» բիզնես բլոգի վարող Դմիտրի Պորտնյագինը հանդիպել է Forbes-ի վարկածով Ռուսաստանի Դաշնության ամենահարուստ մադկանցից մեկի՝ 950 մլն դոլար կարողության տեր գործարար Ռուբեն Վարդանյանի հետ:
Հատկանշական է, որ Պորտնյագինը հայազգի միլիոնատիրոջը բնութագրում է որպես շատ բացառիկ մարդ, որին պետք է չափազանց ուշադիր լսել:
Խոսելով խոշոր բիզնես վարելու հմտությունների, գաղտնիքների մասին՝ Վարդանյանը նկատել է, որ իրականում չկա ղեկավարման 100%-անոց ճիշտ բանաձև, քանի որ դրանցից յուրաքանչյուրը թեկուզ մեկ բացառություն ունի:
«Առաջին դեմքի համար գլխավոր առաջադրանք է տալ հստակ ազդակ այն մասին, թե ինչ մոդելով է նա ուզում աշխատել: Իհարկե, ոչ մեկիս համար էլ հեշտ չէ, բայց եթե կարողանում ես մարդկանց բացատրել, թե ինչ ես ուզում, ինչպես է պետք աշխատել, և եթե նրանք համաձայն են տեսակետիդ հետ, ապա շատ արդյունավետ են աշխատում»,-նշել է Վարդանյանը:
