«Սնանկության գործերով դատավոր դառնալու համար դատավորների պայքարը նոր երանգներ է ստանում: «Ժողովուրդ» օրաթերթը գրել էր, որ Երևանի ընդհանուր իրավասության դատարանի դատավոր Ալեքսեյ Սուքոյանը և Կարինե Պետրոսյանը Բարձրագույն դատական խորհրդի դեմ դատական հայց էին ներկայացրել: Նրանք դիմել էին սնանկության գործերով դատարանի դատավոր դառնալու համար, սակայն ԲԴԽ-ն նրանց թեկնածությանը հավանություն չէր տվել, և դատավորները. դիմելով ՀՀ վարչական դատարան, պահանջել էին կասեցնել ԲԴԽ-ի որոշումը:
ՀՀ վարչական դատարանի դատավոր Մհեր Պետրոսյանը վարույթ էր ընդունել գործը առանց ԲԴԽ որոշումը կասեցնելու: Ու հիմա հայց ներկայացրած դատավորները ՀՀ վերաքննիչ վարչական դատարան բողոք են ներկայացրել՝ նշելով, որ ՀՀ վարչական դատարանի դատավորը չի կատարել իրենց պահանջներից մեկը և նշանակել է դատաքննությունը:
Դատավորները ՀՀ վարչական դատարանի իրենց բողոքում ներկայացրել են, որ պետք է դատավորը կասեցներ ԲԴԽ-ի որոշումը, մինչդեռ դատարանն առանց կասեցնելու է սկսել քննություն իրականացնել»,-գրում է թերթը:
Նյութն ամբողջությամբ կարդացեք թերթի այսօրվա համարում:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել